AMEA Rəyasət Heyətinin “Heydər Əliyev İli”nin yekunlarına həsr olunan genişləndirilmiş iclasda Dilçilik İnstitutunun alimləri təltif olunub

AMEA Rəyasət Heyətinin “Heydər Əliyev İli” nin yekunlarına həsr olunan genişləndirilmiş iclası keçirilib.

Dekabrın 21-də AMEA Rəyasət Heyətinin “Heydər Əliyev İli”nin yekunlarına həsr olunan “Əbədiyyətin əbədi ünvanı” mövzusunda genişləndirilmiş iclası keçirilib. Tədbirdə AMEA-nın prezidenti akademik İsa Həbibbəyli, AR Milli Məclisinin deputatları, AMEA-nın həqiqi və müxbir üzvləri, elmi müəssisə və təşkilatlarının direktorları, YAP ərazi partiya təşkilatının nümayəndələri və gənc alimləri iştirak ediblər.

Tədbiri giriş sözü ilə AMEA-nın prezidenti akademik İsa Həbibbəyli açaraq Ulu Öndər Heydər Əliyevin Azərbaycan dövləti və xalqı qarşısındakı tarixi xidmətlərinə toxunub. Qeyd edib ki, Ümummilli Lider Heydər Əliyev sovet hakimiyyəti illərində Azərbaycanı ittifaqın ən geridə qalmış ölkəsindən inkişaf etmiş respublikasına çevirməsi və SSRİ kimi dünyanın aparıcı dövlətinin rəhbərliyi səviyyəsinə yüksəlməsi ilə beynəlxalq aləmin diqqətini öz üzərinə çəkib. Akademik İsa Həbibbəyli bildirib ki, hələ sağlığında ikən Ulu Öndərin misilsiz xidmətləri alimlərimiz, yazıçılarımız və ziyalılarımız tərəfindən həm elmi, həm də bədii ədəbiyyatda öz əksini tapıb, yerli və xarici jurnallarda məqalələr dərc olunub.

Tədbirdə Nəsimi adına Dilçilik İnstitutunun direktoru professor Nadir Məmmədli, Terminologiya şöbəsinin müdiri professor Sayalı Sadıqova, Kompüter dilçiliyi şöbəsinin müdiri professor Məsud Mahmudov, Azərbaycan dilinin tarii şöbəsinin müdiri dosent Xədicə Heydərova AMEA-nın prezidenti akademik İsa Həbibbəyli tərəfindən “ Azərbaycan Respublikasının Prezidenti İlham Əliyevin “Azərbaycan Respublikasında 2023-cü ilin “Heydər Əliyev İli” elan edilməsi haqqında” 29 sentyabr 2022-ci il tarili sərəncamı ilə əlaqədar Azərbaycan xalqının Ümummilli Lideri Heydər Əliyevin həyatı və fəaliyyətinin, zəngin siyasi irsinin , dövlətçilik ideallarının tətbiqi və təbliği sahəsində” xidmətlərinə görə Təşəkkürnamə ilə təltif ediliblər.

Qeyd edək ki, bu il professor Nadir Məmmədlinin “Heydər Əliyevin dilçilik görüşləri”, professorlar Sayalı Sadıqova, Mahirə Hüseynovanın “ Heydər Əliyev və Azərbaycan dilinin inkişaf konsepsoyası” , mərhum akademik Ağamusa Axundov, Müseyib Məmmədov, Nadir Məmmədli və Məsud Mamudovun “Heydər Əliyev Azərbaycan dili və azərbaycanılıq” , dosent Xədicə Heydərovanın “Heydər Əliyevin siyasi dilinin lüğəti” kitabları çap olunub.

Həmkarlarımızı təbrik edir, onlara uğurlar diləyirik.