Elmi şuranın iclası keçirilib

Şrifti böyüt:
Çap et

23 sentyabrda AMEA Nəsimi adına Dilçilik İnstitutunda Elmi şuranın iclası keçirilib. İclası institutun baş direktoru filologiya elmləri doktoru, professor Nadir Məmmədli açaraq gündəlikdə olan məsələləri diqqətə çatdırıb.
Türk dilləri və Müasir Azərbaycan dili şöbələri üzrə şöbə müdiri vəzifəsinə elan olunmuş müsabiqəyə əsasən professor İsmayıl Kazımov və filologiya elmləri doktoru Nərgiz Hacıyevanın namizədliyi irəli sürülüb və gizli səsvermə yolu ilə seçilmiş namizədlər Rəyasət Heyətinə təqdim edilib.
Sonra elmi şuranın katibi filologiya üzrə fəlsəfə doktoru, dosent Aynel Məşədiyeva cari məsələləri nəzərə çatdırıb.
Türk dilləri şöbəsinin aparıcı elmi işçisi, fil.ü.f.d. Turan Azər qızı Hüseynovaya dosent elmi adının verilməsi məsələinə baxılıb. Gizli səsvermə nəticəsində Azərbaycan Respublikası Prezidenti yanında Ali Attestasiya Komissiyası qarşısında vəsatət qaldırılması qərara alınıb.