Dilçilik İnstitutunun əməkdaşları Elginkan Vəqfinin təşkil etdiyi 5-ci Türk Dili və Ədəbiyyatı Qurultayında iştirak edib

Şrifti böyüt:
Çap et

AMEA-nın Nəsimi adına Dilçilik İnstitutunun elmi katibi, filologiya üzrə fəlsəfə doktoru, dosent Aynel Məşədiyeva, Müasir Azərbaycan dili şöbəsinin müdiri, fil.e.d., prof. İsmayıl Kazımov və Azərbaycan dialektologiyası şöbəsinin aparıcı elmi işçisi, fil.ü.f.d., dos. Kübra Quliyeva Elginkan Vəqfinin Türkiyənin İstanbul şəhərində 11-13 may 2022-ci il tarixində təşkil etdiyi 5-ci Türk Dili və Ədəbiyyatı Qurultayında iştirak edib, sertifikatla təltif olunub.

Azərbaycandan həmçinin BDU-nun əməkdaşları fil.ü.f.d., dos. Qızılgül Abdullayeva və tar.ü.f.d., dos. Elvira Lətifova qurultayda iştirak ediblər. Beynəlxalq Qurultayda 9 ölkədən 43 dilçi-alim iştirak ediblər. 2013 ildən bu yana iki ildə bir keçirilən Elginkan Vəqfi Türk Dili və Ədəbiyyatı Qurultayında, Keçmişdən bu günə Yazılmayan Türkcə – Türkcənin diaxronik və sinxron dəyişiklikləri əsas mövzu ətrafında Türkcənin dialektləri, Sosial dəyişikliklər nöqteyi-nəzərindən Türkcə, Türk arqosu, Türk işarə dili, Jarqon və Gizli dillər kimi mövzular ətraflı müzakirə edilmişdir.

Qurultayda dosent Aynel Məşədiyeva “Türkiye Türkçesinin ağızlarında zarf-fiil eklerinin görünümü ve kullanım özellikleri üzerine”, professor İsmayıl Kazımov “Azerbaycan Türkçesinde argo gizli anlaşma kibi”, dosent Kübra Quliyeva “Ağız araştırmalarında yeni eğilimler ve lehçe atlasları” mövzusunda məruzə ilə çıxış edib.

Məruzələr qurultay iştirakçılarının marağına səbəb olub. Mövzu ətrafında geniş fikir mübadiləsi aparılıb.