Yanvarın 17-də AMEA-nın Nəsimi adına Dilçilik İnstitutunda 20 Yanvar
faciəsinin otuz beşinci ildönümünə aid anım tədbiri keçirilib. Tədbirdə
Azərbaycan Respublikasının Dövlət Himni səsləndirilib, 20 Yanvar şəhidlərinin
xatirəsi bir dəqiqəlik sükutla yad edilib.
Anım tədbirində institutun direktoru professor Nadir Məmmədli 35 il öncə
Azərbaycan xalqına qarşı törədilmiş cinayətin əslində bəşəriyyətə, humanizmə,
insanlığa qarşı həyata keçirilmiş dəhşətli terror aktı olduğunu vurğulayıb.
Professor bildirib ki, 20 Yanvar hadisələrinə ilk hüquqi qiymətin verilməsi
Ümummilli Lider Heydər Əliyevin siyasi iradəsinin nəticəsidir. Nadir Məmmədli
diqqətə çatdırıb ki, bu gün xatirəsini daim əziz və uca tutduğumuz şəhidlərimizin
ruhu şaddır. Azərbaycan Respublikasının Prezidenti, Müzəffər Ali Baş Komandan
İlham Əliyevin hərbi və siyasi iradəsi, qüdrətli Ordumuzun rəşadəti, xalqımızın
həmrəyliyi nəticəsində 44 günlük Vətən müharibəsində qazandığımız tarixi Zəfər
ilə şəhidlərimizin intiqamı alındı və onların qanı yerdə qalmadı. 2023-cü ilin
sentyabrında Ordumuzun lokal xarakterli antiterror tədbirləri milli suverenliyimiz
bərpa olundu.
Elmi işlər üzrə direktor müavini dosent Baba Məhərrəmli, professor İsmayıl
Məmmədli, İlhami Cəfərov, filologiya elmləri doktoru Aynur Paşayeva, Füzuli
Mustafayev, Qətibə Quliyeva, Gənc alim və mütəxəssislər şurasının sədri Arzu
İsgəndərzadə çıxışlarında 1990-cı il yanvarın 19-dan 20-nə keçən gecə keçmiş
sovet ordusunun Bakıda və bölgələrdə həyata keçirdiyi qətliamdan, günahsız
insanların həyatlarının itirməsindən bəhs edib, şəhidlərin xatirəsinin ürəklərdə
daim yaşayacağı vurğulayıblar.
Şrifti böyüt:
Çap et
