1nömrəli Uşaq – Gənclər İnkişaf Mərkəzində Beynəlxalq Ana Dili gününə həsr olunmuş tədbir keçirilib.

21 fevral 2024-cü il tarixdə  Azərbaycan Respublikası Elm və Təhsil Nazirliyi “1nömrəli Uşaq – Gənclər İnkişaf Mərkəzi” publik  hüquqi şəxsin əsas binasında  Beynəlxalq Ana Dili gününə həsr olunmuş “Hər dil özündə bir dil yaşadır” adlı tədbir keçirilib.

Tədbirin  keçirilməsində  məqsəd  milli-mənəvi sərvətimiz olan ana dilimizin qədimliyi, zənginliyi haqqında məlumat vermək, bu dildə yazıb yaradan yazıçıların, şairlərin dilə verdiyi diqqəti və qayğını gənc nəslə çatdırmaqdır.

  Tədbirdə Mərkəzin  “Ayna” teatr kollektivinin hazırladığı  Səməd Vurğunun “Vaqif”  dramından bir hissə, ədiblərimizin  dil haqqında yazdıqları əsərlərdən səhnəciklər, “Vokal” dərnəyi və “Xarı bülbül” rəqs kollektivi dərnək üzvlərinin ifasında mahnı və rəqs nömrələri nümayiş olunub.  

  Tədbirdə Azərbaycan Milli Elmlər Akademiyasının Nəsimi adına Dilçilik İnstitutu Tətbiqi dilçilik şöbəsinin elmi işçisi, Filologiya üzrə fəlsəfə doktoru Mətanət Həmidova, Azərbaycan Yazıçılar Birliyinin üzvü, Beynəlxalq mükafatlar laureatı, teleradiojurnalist, şair Mübariz Süleymanlı,1nömrəli Uşaq-Gənclər İnkişaf  Mərkəzinin əməkdaşları, dərnək üzvləri və valideynlər iştirak ediblər.