Nəsimi adına Dilçilik İnstitutunun əməkdaşı BMT-də (FAO-da) Azərbaycanı təmsil edib

Nəsimi adına Dilçilik İnstitutunun aparıcı elmi işçisi, filologiya üzrə fəlsəfə doktoru, dosent, UNESCO-nun Fransada fəaliyyət göstərən Gənclər platformasının Azərbaycan təmsilçisi Vəfa Abdullayeva-Nabiyeva 16-20 oktyabr BMT-nin Roma İqamətgahı FAO-da keçirilmiş “World Food Forum”-da akademik heyətin üzvü kimi Azərbaycan Respublikasını və AMEA-nı təmsil etmişdir. Bu hibrid forum elm, təhsil, innovasiya, iqlim dəyişikliyi, qida təhlükəsizliyi, Gənclərin fəaliyyəti, SDG, COP layihələri üzrə qlobal əməkdaşlıq məsələləri, problemlər və onların həll yollarına həsr olunmuşdu. Tədbirdə İtaliya, İrlandiya, BƏƏ, İraq, CAR ölkələrinin prezidentləri, Lesoto kralı, İordaniyanın şahzadəsi, Tanzaniyanın baş naziri olmaqla bütün ölkə rəsmiləri, eləcə də səfirlər iştirak edirdi. Vəfa Abdullayeva- Nabiyeva "Elm və Təhsil" panelində “Youth Assemly” plenar iclaslarında gənclərin qlobal layihələrdə iştirakı və gənclər platformasında əməkdaşlığı barədə çıxış etmiş, SDG və COP layihələri üzrə fəaliyyət istiqamətlərini müzakirə etmişdir.

Xüsusilə vurğulamaq istərdik ki, həm FAO-da, həm də online platformalarda yayımlanan bu forum 5 gün ərzində 1 milyard izlənmə ilə son illərin ən böyük auditoriyasina malik tədbir olaraq da yadda qaldı.