GAMŞ sədri Günel Orucova Mingəçevir şəhərində keçirilən “Azərbaycan və Rusiyanın III Gənclər təşəbbüsləri forumu”nda iştirak etmişdir

Şrifti böyüt:
Çap et

Tədbir Ulu Öndər Heydər Əliyevin 100 illik yubileyinə həsr olunub.
Azərbaycan Milli Elmlər Akademiyası Nəsimi adına Dilçilik İnstitutunun Gənc Alim və Mütəxəssislər Şurasının sədri fil.ü.f.d., dos. Günel Orucova 16-19 may 2023-cü il tarixlərində Mingəçevir şəhərində keçirilən “Azərbaycan və Rusiyanın III Gənclər təşəbbüsləri forumu”nda iştirak etmişdir. Gələcəkdə mümkün əməkdaşlıqlar üzərində qurulan forumda bir neçə gün ərzində aparılan müzakirələr nəticəsində prioritet mövzular və sahələr müəyyənləşdirilmiş və bu sahələr əsasında elmi mübadilə edə biləcək qurumlar, əsas elmi istiqamətlər təyin olunmuş, tələb olunan büdcə və sponsor qurumlar barədə təkliflər irəli sürülmüşdür. AMEA-nın, o cümlədən bir çox digər qurumların gənc əməkdaşları ilə birgə Günel Orucova da müzakirələrdə iştirak etmiş, sonda müzakirələr yekun sənəd şəklində hazırlanmış və hər iki ölkənin nümayəndəliklərinə göndərilmişdir. Bənzər forumların həm Azərbaycan-Rusiya münasibətlərinin möhkəmlənməsində, həm də gənclərin elmi-ictimai fəaliyyətinin inkişafında önəmli rola malik olduğunu bildirən rəsmi şəxslər arasında AR Gənclər və İdman Nazirinin müavini İndira Hacıyeva, AR Elm və Təhsil nazirinin müavini Firudin Qurbanov, RF Elm və Ali Təhsil nazirinin müavini Konstantin Moqilvevski və bir çox digər məsul şəxslər yer alırdı.