Özbək alimləri Dilçilik İnstitutunda

Şrifti böyüt:
Çap et

17 apreldə AMEA Nəsimi adına Dilçilik İnstitutnda özbək alimlərilə görüş olub.

Görüşdə Özbəkistanın Əlişir Nəvai adına Daşkənd Özbək dili və ədəbiyyatı Universitetinin Özbək dilinin tədrisi fakültəsinin dekanı, professor Saodat Muhamedova, fakültənin müəllimi Zilola Hüsayinova və ADPU-nun Müasir Azərbaycan dili kafedrasının müəllimləri iştirak ediblər.

Tədbirdə Dilçilik İnstitutunun baş direktoru professor Nadir Məmmədli vurğulayıb ki , bizim Özbəkistanın elm ocaqları, akademiyası, universitetləri ilə geniş əlaqələrimiz vardır. Nadir Məmmədli Azərbaycan –özbək dilinə dair tədqiqatlarından, iki ölkə arasında ədəbi əlaqələrin inkişafındakı xidmətlərindən və insani keyfiyyətlərindən danışıb.

Professor bildirib ki institutun Türk dilləri şöbəsinin aparıcı elmi işçiləri tərəfindən özbək dili ilə bağlı dissertasiya, kitablar yazılıb, danışıq kitabçası və lüğətlər çapa hazırlanıb.

Sonda özbək alimləri çıxış edərək bu cür tədbirlərin həyata keçirilməsinin əhəmiyyətindən danışıblar.