Dilçilik İnstitutunda Özbək alimlərilə görüş

Şrifti böyüt:
Çap et

17 martda AMEA-nın Nəsimi adına Dilçilik İnstitutunda Özbəkistanın Əlişir Nəvai adına Daşkənd Dövlət Özbək Dili və Ədəbiyyatı Universitetinin alimləri, magistr və tələbələri ilə görüş olub.

Görüşdə Daşkənd Dövlət Özbək Dili və Ədəbiyyatı Universitetinin Filologiya kafedrasının müdiri professor Bəxtiyar Mengliyev, professor Leyla Raufova Lazimovna, magistr Sitora Menglieva, tələbə Nafasat Zariployeva iştirak edib.

İclası giriş sözü ilə açan elmi müəssisənin baş direktoru professor Nadir Məmmədli bildirib ki, bizim Özbəkistanın elm ocaqları, akademiya və universitetləri ilə geniş əlaqələrimiz vardır.

Professor Bəxtiyar Mengliyev “Özbək dil korpusu” nun yaradılması ilə bağlı görülən tədbirlərdən söhbət açıb.

Görüşdə ikitərəfli əməkdaşlığın, ölkələrimizin elmi tədqiqat institututları arasında əlaqələrin genişləndirilməsi, birgə layihələrin həyata keçirilməsi sahəsində məsələlər müzakirə olunub.

Tədbirdə Ədəbiyyat İnstitutunun professoru Almaz Binnətova, Türkologiya jurnalının məsul katibi dosent Aysel Qəribli, Türk dilləri şöbəsinin aparıcı elmi işçisi dosent Təranə Şükürlü iştirak ediblər.