3 Fevral 2023-cü ildə Pakistanın Azərbaycandakı səfiri Cənab Bilal Hayeenin
təşkilatçılığı ilə ADA Universitetində Kəşmir Həmrəylik gününə həsr olunmuş
Beynəlxalq Konfrans və Foto Sərgi keçirilib. Mərasim Pakistan və Azərbaycan
şəhidlərinin xatirəsinin bir dəqiqəlik sükutla yad edilməsi ilə başlayıb. Açılış nitqində
Cənab Səfir Bilal Hayee Azərbaycan Pakistan Respublikalarının illərə söykənən
dostluq əlaqələri, Kəşmir və Cammunun qanunsuz işğal edilməsi, 5 avqust 2019-cu il
hadisələri haqqında ətraflı məlumat verib. Daha sonra Azərbaycan Respublikasının
İnsan Hüquqları üzrə Müvəkkili (Ombudsman) Səbinə Əliyeva, Milli Məclisin
deputatı, Milli Məclisin İnsan Hüquqları Komitəsinin üzvü Razi Nurullayev və
Beynəlxalq Münasibətlərin Təhlili Mərkəzinin sədri Fərid Şəfiyev məruzə ilə, Kəşmir
lideri Yasmin Malikin həyat yoldaşı Məşəl Malik və Türkiyədən İnsan haqları
müdafiəçisi isə videobağlantı vasitəsilə konfransda çıxış ediblər.
Konfransda Cənab Səfir Bilal Hayeenin dəvəti ilə Dilçilik İnstitutunun Baş
direktoru professor Nadir Məmmədli, institutun urdu dili üzrə mütəxəssisi Rövşən
Şirxanlı və filologiya üzrə fəlsəfə doktoru, dosent Vəfa Abdullayeva-Nəbiyeva da
iştirak ediblər. tədbirə dəvət almişdılar.
Şrifti böyüt:
Çap et
