AMEA Nəsimi adına Dilçilik İnstitutunda Dünya Azərbaycanlılarının Həmrəylik Günü və Yeni il münasibətilə tədbir keçirilib

Şrifti böyüt:
Çap et

Dekabrın 30-da AMEA Nəsimi adına Dilçilik İnstitutunda 31 Dekabr - Dünya Azərbaycanlılarının Həmrəyliyi Günü və Yeni il münasibətilə bayram tədbiri keçirilib.

Tədbiri giriş sözü ilə açan Dilçilik İnstitutunun baş direktoru professor Nadir Məmmədli kollektivi 31 Dekabr - Dünya Azərbaycanlılarının Həmrəyliyi Günü və Yeni il münasibətilə təbrik edib, onlara Yeni ildə cansağlığı və müvəffəqiyyətlər arzulayıb.

Professor qeyd edib ki, 31 Dekabr-Dünya Azərbaycanlılarının Həmrəyliyi Günü artıq neçə illərdir ki, respublikamızda geniş qeyd edilir. Bu gün yalnız müstəqil Azərbaycan Respublikasında yaşayan soydaşlarımızın deyil, eləcə də bütün dünyada yaşayan 50 milyondan çox həmvətənlərimizin ən əziz bayramlarından biridir.

Nadir Məmmədli yola saldığımız ilinin institutun fəaliyyətilə bağlı da yaddaqalan olduğunu bildirib. Baş direktor institutun il ərzində əldə etdiyi nailiyyətlərdən ətraflı bəhs edib.

Sonda çıxış edən əməkdaşlar hər bir Azərbaycan ailəsinə səadət, xoşbəxtlik, yeni uğurlar arzulayıblar.