19 may 2023-cu il tarixdə AMEA Nəsimi adına Dilçilik İnstitutunda
“ Fövqəladə hadisələrin nəticələrinin aradan qaldırılması zamanı
MM orqan və qüvvələrinin idarə edilməsinin təşkili” mövzusunda
“Rəhbər heyətin mülki müdafiə məşqi” keçirilmişdir.
Məşqdə İnstitutun rəhbər heyəti, FH komissiyasının sədri və üzvləri, şöbə
müdirləri, hərbliləşdirilməmiş dəstələrin komandir-rəis heyəti iştirak etmişlər.
MM rəhbəri - institutun baş direktoru professor Nadir Məmmədli məşqin başlanmasını
elan etmiş, MM tədbirlərinin vacib olmasını qeyd edərək Rəhbər heyətin məşqinin əsas
məqsədinin fövqəladə hadisələr zamanı əməkdaşların həyatının və sağlamlığının
qorunması,işin dayanıqlılığının təmin edilməsi olduğunu xüsusilə vurğulamışdır. Məşqi
davam etdirmək üçün sözü İnstitutun MM qərargah rəisi Mehman Həsənova vermişdir.
MM qərargah rəisi M.Həsənov MM rəhbərinin əvvəlcədən təsdiq etdiyi “Rəhbər
heyətin mülki müdafiə məşqinin keçirilməsi planı”na uyğun olaraq tədbiri keçirmiş və
İnstitutun yerləşdiyi ərazi üçün aktual olan təbii və texnogen fövqəladə hallarla
əməkdaşları tanış etmiş, belə hallar və qəzalar təhlükəsi yarandıqda yerinə yetirilən
tədbirlərdən danışmışdır.
Rəhbər heyəti tərəfindən MM Planının öyrənilməsi və dəqiqləşdirilməsi yerinə
yetirilmişdir. Fövqəladə hadisələrın nəticələrini aradan qaldırarkən xəbərdarlıq və
idarəetmə qaydaları sxem üzrə məşq edilmişdir. Mülki müdafiə planına əsasən Rəhbər
heyət tərəfindən öz vəzifələrinin dəqiq öyrənilməsi və mənimsənilməsi MM rəhbəri
tərəfindən yoxlanmışdır.
Şrifti böyüt:
Çap et
