Azərbaycan Milli Elmlər Akademiyası

                          Nəsimi  adına
                        DİLÇİLİK   İNSTİTUTU



 


   
 
   
 
  RƏHBƏRLİK
   
Elmi katib
 
  HAQQIMIZDA
   
İnstitutun tarixi
Elmi şura
 
ŞÖBƏLƏR
   
Azərbaycan dilinin dialektologiyası şöbəsi
İctimaiyyətlə əlaqələr şöbəsi
Təhsil şöbəsi
 
 
DİGƏR
 
Dissertasiya Şurası
Elmi seminar
Elmi Tədqiqatların Əlaqələndirilməsi Şurası
Qaynar xətt
Elmi kitabxana
Yeni nəşrlər
Elanlar
Gənc Alim və Mütəxəssislər Şurası
“Türk dilləri araşdırmaları” jurnalı
İnnovasiya
Konfranslar
Video
Mətbuat yazıları
Saytın xəritəsi
   
LİNKLƏR
   
 
 
 
 
   
 
SAYĞAC
 
free counters
06.09.2021

“AZLİNG2021- Azərbaycan dili və müasir dilçilik: problemlər, perspektivlər və çağırışlar” adlı elmi konfrans keçirilib

Neftçala rayonunun dilçi alimlərinin və Neftçala rayon Heydər Əliyev Mərkəzinin təşəbbüs və təşkilatçılığı ilə “AZLİNG2021- Azərbaycan dili və müasir dilçilik: problemlər, perspektivlər və çağırışlar” adlı elmi konfrans keçirilib.

AZƏRTAC-ın bölgə müxbiri xəbər verir ki, mövcud pandemiya şəraitini nəzərə alaraq onlayn formatda keçirilən elmi konfransda Azərbaycanın tanınmış dilçi alimləri ilə bərabər xarici ölkələrdən olan alimləri və gənc tədqiqatçılar də iştirak ediblər.

Qeyd edək ki, elmi konfrans Azərbaycan Respublikasının Prezidenti İlham Əliyevin “Azərbaycan dilinin saflığının qorunması və dövlət dilindən istifadənin daha da təkmilləşdirilməsi ilə bağlı tədbirlər haqqında” 1 noyabr 2018-ci il tarixli Fərmanına uyğun olaraq keçirilib.

Konfransı giriş sözü ilə açan Neftçala rayon Heydər Əliyev Mərkəzinin direktoru Könül Məmmədova qeyd edib ki, bugünkü konfrans çox vacib bir mövzuya həsr olunub və qloballaşan dünyamızda doğma dilimizin qorunub saxlanması qarşımızda dayanan ən vacib vəzifələrdən biridir.

Konfransda videoformatda Milli Məclisin deputatı, Xalq yazıçısı Sabir Rüstəmxanlı və AMEA Nəsimi adına Dilçilik İnstitutunun direktoru, akademik Möhsün Nağısoylu çıxış edərək müasir dünya dilçilik elminin inkişafı fonunda doğma ana dilinin tədqiqatına verdikləri töhfələrə görə elm xadimlərinə təşəkkür edərək konfransın keçirilməsini müsbət qiymətləndirərək iştirakçılara uğurlar arzulayıblar.

Tədbirdə fəxri qonaq qismində Pekin Xarici Dillər Universitetinin Asiya fakültəsi Türk dili kafedrasının müdiri, tanınmış çinli türkşünas-qorqudşünas alim, professor Lyu Gao, Dövlət Dil Komissiyası yanında Monitorinq Mərkəzinin direktoru, professor Sevinc Əliyeva və Xəzər Universitetinin təsisçisi, professor Hamlet İsaxanlının məruzələri dinlənilib.

Çinli professor elmi məruzəsində qədim türk dillərində müvafiq qrammatik hadisələrin müqayisəli təhlilini dinləyicilərin diqqətinə çatdırıb.

Professor Sevinc Əliyevanın təqdimatında kütləvi informasiya vasitələrində Azərbaycan dilinin normalarının qorunması vurğulanıb, mövcud problemlərin aradan qaldırılma yolları araşdırılıb.

Professor Hamlet İsaxanlı dilin ictimai bir hadisə kimi fəlsəfi aspektlərinə toxunub və müasir dilçilik tədqiqatlarında fəlsəfi baxışların önəmini vurğulayıb.

Daha sonra konfrans panel iclaslarla davam edib. AMEA Nəsimi adına Dilçilik İnstitutu, Nizami adına Ədəbiyyat İnstitutu, Ziya Bünyadov adına Şərqşünaslıq İnstitutu, Bakı Dövlət Universiteti, Azərbaycan Respublikası Təhsil İnstitutu, Prezident yanında Dövlət İdarəçilik Akademiyası, Azərbaycan Dillər Universiteti, Bakı Avrasiya Universiteti, Pekin Xarici Dillər Universiteti, Avstraliyanın Svinbörm Texnologiya Universitetinin alimləri, gənc tədqiqatçıları və doktorantları ümumilikdə 21 elmi məruzə ilə çıxış ediblər.

Sonda iştirakçılara sertifikatlar təqdim edilib, konfransın materiallarından ibarət xatirə jurnalının tərtib olunması və “AZLİNG2022” konfransının növbəti ildə keçirilməsi qərara alınıb.

SAYTDA AXTAR

© Bütün hüquqlar qorunur. Yazılardan istifadə edərkən sayta istinad edilməlidir.
Azərbaycan Milli Elmlər Akademiyası Nəsimi adına Dilçilik İnstitutu. 2012.