Azərbaycan Milli Elmlər Akademiyası

                          Nəsimi  adına
                        DİLÇİLİK   İNSTİTUTU



 


   
 
   
 
  RƏHBƏRLİK
   
Elmi katib
 
  HAQQIMIZDA
   
İnstitutun tarixi
Elmi şura
 
ŞÖBƏLƏR
   
Azərbaycan dilinin dialektologiyası şöbəsi
İctimaiyyətlə əlaqələr şöbəsi
Təhsil şöbəsi
 
 
DİGƏR
 
Dissertasiya Şurası
Elmi seminar
Elmi Tədqiqatların Əlaqələndirilməsi Şurası
Qaynar xətt
Elmi kitabxana
Yeni nəşrlər
Elanlar
Gənc Alim və Mütəxəssislər Şurası
“Türk dilləri araşdırmaları” jurnalı
İnnovasiya
Konfranslar
Video
Mətbuat yazıları
Saytın xəritəsi
   
LİNKLƏR
   
 
 
 
 
   
 
SAYĞAC
 
free counters
29.04.2021

Zəngilanlı gənc alim: “Ağıllı kənd” layihəsi yeni yanaşmadır, elmi nailiyyətdir

Azərbaycan Respublikasının Prezidenti İlham Əliyevin, birinci xanım Mehriban Əliyevanın və qızları Leyla Əliyevanın Zəngilan şəhərinə səfəri mühüm məqamlarla yadda qaldı. Bu səfər işğaldan azad edilmiş Zəngilanın tarixində böyük səhifələr açır. Böyük Qayıdışa Şərqi Zəngəzurun qapısı olan Zəngilandan başlandı. Bizi sevindirən odur ki, Zəngilan rayonuna ölkə başçısının xüsusi diqqət və qayğısı var. Mən Zəngilanın gözəlliyinə 28 ildən sonra bir daha heyran oldum. Zəngilanın cənnət olması üçün “Ağıllı kənd” layihəsinin təməl daşı qoyuldu. Zəngilanda yenidənqurma və bərpa işlərinə imza atıldı. Bu, böyük Qayıdışın ilk addımlarıdır.

Bunu AZƏRTAC-a açıqlamasında Nəsimi adına Dilçilik İnstitutunun aparıcı elmi işçisi, filologiya üzrə fəlsəfə doktoru, dosent, əslən Zəngilandan olan Təranə Şükürlü deyib. O bildirib ki, “Ağıllı kənd” layihəsi yeni yanaşmadır, elmi nailiyyətdir, Qarabağ ərazisinin öyrənilməsidir. Bu layihədə texnologiya, inşaat, kənd təsərrüfatı və sair inkişaf edəcək.

“Biz zəngilanlılar qürur hissi keçiririk ki, “ağıllı kənd” layihəsinə rayonumuzun Ağalı kəndindən başlanılır. Həm “ağıllı kənd” termini, həm də Ağalı toponimi arasında fonetik baxımdan səslənmə də vardır. Zəngilanın tarixi kifayət qədər qədimdir. Ağalı kəndindəki kahalar ən qədim insan məskənləri hesab edilir. “Ağıllı kənd” layihəsi də ilk insan məskənlərinin olduğu məkandan başlanır.

28 il öncə uşaq yaddaşımızın ən dərin qatlarında Zəngilanın dağıdılmış evləri, uçurulmuş divarları iz salmışdı. Böyük Qələbədən sonra Zəngilandakı evimizin uçmuş divarının rəsmini gördüm. Bu, məni çox kədərləndirdi. Bu gün isə daxilimdə bir qürur, sevinc hissi var. Çünki dağıdılmış rayonumuzun, kəndlərimizin ən müasir texnologiyalara əsaslanan quruculuq konsepsiyası əsasında bərpası həyata keçirilir”, - deyə T.Şükürlü əlavə edib..

Alim qeyd edib ki, səfər zamanı ikinci Beynəlxalq Hava Limanının təməlinin qoyulması Zəngilanın beynəlxalq nəqliyyat-logistika mərkəzinə çevrilməsi üçün böyük əhəmiyyət kəsb edir. Zəngilan Beynəlxalq Hava Limanı dövlətimizin dostluq rəmzini göstərir. Beynəlxalq Hava Limanı Qarabağda beynəlxalq konfransların, tədbirlərin təşkili zamanı da öz böyük töhfəsini verəcək. Bütün bunlar Zəngəzurun mədəniyyətlərarası ünsiyyətini genişləndirəcək. Bundan başqa, ölkə başçısının böyük diqqət və qayğısı sayəsində Zəngilan şəhərində yerləşən məscidin yenidən bərpası işinə start verildi. 28 ildə ermənilər Bəsitçay qoruğunda da ekoloji terror törədiblər. Mənfur düşmən qoruğun meşəlik ərazisinin demək olar ki, yarısını məhv edib, ağacların kökünü yandırıb. Təbiət abidəsi olan Bəsitçay qoruğunun bərpası da uğurlu işlərdən biridir.

“Zəngilanda həyata keçirilən tədbirlərə görə Prezident İlham Əliyevə öz təşəkkürümüzü bildiririk. Biz Zəngilan gəncləri hər zaman Prezidentin yanındayıq”, - deyə T.Şükürlü bildirib.

SAYTDA AXTAR

© Bütün hüquqlar qorunur. Yazılardan istifadə edərkən sayta istinad edilməlidir.
Azərbaycan Milli Elmlər Akademiyası Nəsimi adına Dilçilik İnstitutu. 2012.