Azərbaycan Milli Elmlər Akademiyası

                          Nəsimi  adına
                        DİLÇİLİK   İNSTİTUTU



 


   
 
   
 
  RƏHBƏRLİK
   
Elmi katib
 
  HAQQIMIZDA
   
İnstitutun tarixi
Elmi şura
   
ŞÖBƏLƏR
   
Azərbaycan dilinin dialektologiyası şöbəsi
İctimaiyyətlə əlaqələr şöbəsi
Təhsil şöbəsi
 
 
DİGƏR
   
Qaynar xətt
Elmi kitabxana
Yeni nəşrlər
Elanlar
Gənc Alim və Mütəxəssislər Şurası
İnnovasiya
Konfranslar
Video
Mətbuat yazıları
Saytın xəritəsi
   
LİNKLƏR
   
 
 
 
   
 
SAYĞAC
 
free counters
16.01.2019

“Azərbaycan dilinin Qarabağ dialektoloji atlası” zəngin materiallar əsasında hazırlanır

Azərbaycan Respublikası Prezidentinin 2013-cü il 9 aprel tarixli Sərəncamı ilə təsdiq edilmiş “Azərbaycan dilinin qloballaşma şəraitində zamanın tələblərinə uyğun istifadəsinə və ölkədə dilçiliyin inkişafına dair Dövlət Proqramı”nın 6.3.5. bəndinin (Azərbaycan dilinin müxtəlif dialekt və şivələrinin müasir dövrün tələblərinə uyğun olaraq öyrənilməsinin təmin edilməsi) həyata keçirilməsi məqsədilə AMEA-nın Nəsimi adına Dilçilik İnstitutu “Azərbaycan dilinin Qarabağ dialektoloji atlası”nı hazırlayır.

Dilçilik İnstitutundan AZƏRTAC-a bildirilib ki, yanvarın 16-da elmi müəssisənin Azərbaycan dialektologiyası şöbəsinin əməkdaşları Abşeron rayonunun Masazır qəsəbəsində məcburi köçkünlər üçün salınmış yeni yaşayış massivində yerləşən Zəngilan Rayon İcra Hakimiyyətində olublar.

Dilçi alimlər Zəngilan Rayon İcra Hakimiyyətinin başçısı Ramiz Həsənovla görüşüblər. Söhbət zamanı R.Həsənov Zəngilan, onun tarixi, yaşayış məskənləri, etnoqrafiyası barədə geniş məlumat verib və dilçi alimlərə uğurlar arzulayıb.

Görüş zamanı Azərbaycan dialektologiyası şöbəsinin müdiri, filologiya üzrə fəlsəfə doktoru, dosent Kifayət İmamquliyeva bildirib ki, “Azərbaycan dilinin Qarabağ dialektoloji atlası” Azərbaycan, rus və ingilis dillərində çap olunacaq.

Şöbə müdiri vurğulayıb ki, dialektoloji atlas dialekt faktlarını təkcə fonetik deyil, həm də leksik və qrammatik baxımdan əks etdirəcək. “Azərbaycan dilinin Qarabağ dialektoloji atlası”nın hazırlanması dünyaya sübut edəcək ki, bu ərazidə yaşayan azərbaycanlılar öz dialektini yaradıblar və inkişaf etdiriblər. Ən önəmli cəhətlərdən biri də ondan ibarətdir ki, atlasda bu bölgənin dialekti tam şəkildə ifadə olunur.

Qeyd edək ki, ekspedisiya zamanı dialektoloq alimlər Zəngilan rayonundan olan məcburi köçkünlərdən (əsasən yaşlı nəslin nümayəndələrindən) dialektoloji material toplayacaqlar.

SAYTDA AXTAR

© Bütün hüquqlar qorunur. Yazılardan istifadə edərkən sayta istinad edilməlidir.
Azərbaycan Milli Elmlər Akademiyası Nəsimi adına Dilçilik İnstitutu. 2012-2018.